Жас мамандарға арналған қалалық семинар

      №30 жалпы орта білім беретін мектепте қаланың жас ұстаздарына арналған «Жаратылыстану ғылымдары білімін кіріктіру және кіші мектеп жасындағы оқушылар үшін әлемнің заманауи ғылыми бейнесін қалыптастыру» тақырыбында семинар өтті. Семинар директордың ғылыми ісі жөніндегі орынбасары Е.Н. Кривченко мен бастауыш сынып мұғалімдері бірлестік жетекшісі Е.Е. Дюсембаеваның ұйымдастыруымен педагогикалық квиз-плиз ойыны түрінде басталып, одан әрі ашық сабақтармен жалғасын тапты. Бастауыш сынып мұғалімдері А.С.Скакова «Адамның дене мүшелері және олардың қызметі», И.Д.Тлеубердиева «Тыныс алу мүшелері», С.А. Шестакова «Как мы дышим», К.М.Молдатаева «Значение нервной системы» тақырыбында өткізген ашық сабақтары жоғары деңгейде өтті. Ұстаздар өз сабақтарында әртүрлі әдіс-тәсілдерді, жаңа технологияны тиімді пайдаланды. 

        Семинар барысында 2-4 сынып оқушылары жаратылыстану пәні бойынша «Жас зерттеуші» атты тәжірибе алаңында түрлі эксперименттер жасады. 

       Қорыта айтқанда семинар соңында жас ұстаздар қоржындарын мол тәжірибемен толықтырып қайтты.